अभिनेत्री शिल्पा पोखरेलको रिट खारेज, प्रहरीले पक्राउ गर्न सक्ने

SHARE
  •  
  •  
  •  
  •  
  •  
  •  
  •  

साउन २५ काठमाडौं । बहुविवाहको मुद्दामा उजुरी परेकी अभिनेत्री शिल्पा पोखरेललाई प्रहरीले पक्राउ गर्ने भएको छ । हेमा ओझाको उजुरीका आधारमा प्रहरीले पोखरेलसहित छविराज ओझाविरुद्ध पक्राउ पूर्जी जारी गरेको थियो ।

तर पोखरेलले उच्च अदालत पाटनमा पूर्जी खारेजीका लागि रिट दिएकी थिइन् । अदालतले पोखरेलको रिट खारेज गर्दै प्रहरीलाई पक्राउ गर्न सक्ने प्राधिकार दिएको छ ।

अब, काठमाडौं प्रहरीले ओझा र पोखरेललाई पक्राउ गर्नेछ । ओझाकी प्रथम पत्नी हेमाले महानगरीय प्रहरी वृत्त गौशालामा उजुरी दर्ता गराएकी थिइन् ।

सिटीस्क्यान मेसिनमा ठगी गरेको आरोपमा पक्राउ
इलाका प्रहरी कार्यालय दमकले सिटीस्क्यान मेसिन बिक्री गर्दा ठगी गरेको आरोपमा एक व्यक्तिलाई फक्राउ गरेको छ । पक्राउ पर्नेमा विराटनगर घर भएका रेडियोलोजिष्ट डा सुनिलदेव रहेका छन् । प्रहरीले उनलाई लाइफलाइन अस्पताल प्रालिका अध्यक्ष डा तिलकचन्द्र साहलाई सिटिस्क्यान मेसिन बिक्री गर्दा ठगी गरेको आरोपपछि पक्राउ गरिएको हो ।

फक्राउ परेका देवलाई प्रहरीले ठगी मुद्दामा दुई पटक अदालतबाट म्याद थप गरी अनुसन्धान गरिरहेको इलाका प्रहरी कार्यालयका प्रहरी नायब उपरीक्षक श्यामल सुब्बाले बताउनुभयो । उहाँले भन्नुभयो, “रेडियोलोजिष्ट देवले दश वर्षअघि डा साहलाई सिटिस्क्यान मेसिन बिक्री गरेको र लेनदेनमा समस्या रहेछ, डा साहको उजूरीका आधारमा उनलाई हामीले नियन्त्रणमा लिएका हौं ।” पक्राउ परेका रेडियोलोजिष्ट अहिले इलाका प्रहरी कार्यालयको नियन्त्रणमा छन् ।

सिटी स्क्यानको मूल्य झण्डै दुई करोड रुपैयाँ पर्ने बताइएको छ । डा साहले देवको सहयोगमा भारतको एक अस्पतालबाट रु ५० लाखमा मेसिन खरीद गरेको बताइन्छ । रेडियोलोजिष्ट देवले खरीद गर्न सहयोग गरेर ल्याएको सिटीस्क्यान मेसिन अहिले डा साहसँग नै रहेको बताइएको छ । तर, डा देवले अहिलेसम्म पनि आफूलाई सिटिस्क्यान मेसिन नदिएको डा साहले आरोप लगाउनुभएको छ ।

Comments

comments

सम्बन्धित शीर्षकहरु