प्रकाशको नाममा दुबईमा रहेको २१ अर्ब अबैध भएकाले छानबिन हुनुपर्छ – कानुनविद दिनेश त्रिपाठी

2K Shares

काठमाडौ। वरिष्ठ कानुनबिद तथा राजनीतिक विष्लेषक दिनेश त्रिपाठीले नेकपाका नेताहरुको सम्पत्तीको श्रोत खोज्नुपर्ने बताएका छन् । उनले नेकपाका अध्यक्ष पुष्पकमल दाहाल प्रचण्ड लगायत नेकपाका प्रमुख नेताहरुको सम्पत्तीको छानविन गर्नुपर्ने बताए । उनले प्रचण्डका स्व. छोरा प्रकाश दाहालको नाममा दुवईमा २१ अर्व रुपैया रहेको दावी गरेका छन् । उनले पूर्व माओवादी लडाकुको रकममा भ्रष्टाचार गरेको आरोपसमेत लगाएका छन् । उनले आफ्नो सुरक्षाको ग्यारेण्टी भए आफु हिन्दु राज्य मान्न पनि तयार रहेको अभिब्यक्ति दिनुले प्रचण्ड अवसरवादी भएको प्रष्ट भएको दावी गरेका छन् ।

कानुनविद त्रिपाठीले अहिले भर्खर सपरिवार दुवई भ्रमणमा जाने र विश्वकै महंगो होटलमा बस्ने उनको हैसियत कसरी आयो भन्ने प्रश्न उठाएका छन् । उनले प्रचण्डका छोरा प्रकाशको नाममा २१ अर्व रुपैया दुवईमा रहेको भनेर आएको हल्लाका बारेमा प्रचण्ड मौन बस्नु पनि उनको अवैध श्रोत भएको पुष्टि भएको दावी गरेका छन् । उनले अवैध श्रोत भएका कारण उनले पैसा दुवईमा राखेको हुनुपर्ने र प्रचण्डको सम्पत्तीको छानविन हुनुपर्ने बताएका छन् ।

पूर्व माओवादी बाल सैनिक लेनिन विष्टले प्रचण्डलाई अब अन्तराष्ट्रिय फौजदारी अदालत (हेग) मा लैजाने चेतावनी दिएपछि अहिले सो विषय चर्चामा भईरहेको छ । विष्टले प्रचण्ड र डा. बाबुराम भट्टराईलाई तीन महिना भित्रमा हेगमा लैजाने चेतावनी दिएका छन् । माओवादी शान्ति प्रकृयामा आएपछि पूर्व माओवादी लडाकुहरुलाई वेवास्ता गरेको भन्दै विष्टले आवाज उठाउँदै आएका छन् । उनले प्रचण्ड, बाबुरामले युद्ध अपराध गरेका कारण उनीहरु अन्तराष्ट्रिय फौजदारी अदालतमा लैजानुपर्ने उनले पनि तर्क राखेका छन् ।

Comments

comments

सम्बन्धित शीर्षकहरु