उल्कापिण्ड खसेर महाप्रलय आउने सम्भावना टर्‍यो

17 Shares

एजेन्सी– हालै पृथ्वीको नजिकबाट भीमकाय उल्कापिण्ड गएपछि पृथ्वीमा महाप्रलय आउने सम्भावना तत्कालका लागि टरेको छ ।

१०,४०० माइल प्रतिघण्टाको गतिमा आएको उल्कापिण्ड पृथ्वीभन्दा ४६ लाख किलोमिटर टाढाबाट गएको हो । यसलाई अन्तरिक्षमा निकै नै नजिकको दूरी मानिन्छ ।

१.८६० किलोमिटर ब्यास भएको २००६ क्यूक्यू २३ नामक पिण्ड पृथ्वीमा खस्नसक्ने भन्दै वैज्ञानिकहरुले चिन्ता व्यक्त गर्दै आएका थिए ।

यसको सन् २००६ मा पहिचान गरिएको थियो । यो पिण्ड पृथ्वीमा खसेको खण्डमा कुनै आणविक बम भन्दा ५ सय गुणा धेरै विनाशकारी हुने र यसले लाखौं मानिसहरुको ज्यान जानसक्ने अनुमान गरिएको थियो ।

सन् २०१३ मा रुसको चेल्याबिन्स्क शहरनजिक धेरै सानो आकारको उल्का खस्दा १५ सय जनाभन्दा धेरै घाइते भएका थिए ।

पृथ्वीमा उल्कापिण्डका कारण विभिन्न युगमा महाप्रलय आउने गरेका छन् । साढे ६ करोड वर्षअघि पृथ्वीमा उल्कापिण्ड खस्दा डाइनासोर लोप हुन पुगेका थिए ।

एक चोटी यो पढ्नुहोस् ।

चीनको सियान नगरको प्रतिबद्धता : धुलिखेलको समृद्धिमा सहकार्य गर्न तयार छौँ
सियान – धुलिखेल नगरपालिकाका मेयर अशोक ब्यान्जु र चीनको सियान नगरपालिका मेयर लि मिनयुङबीच भेटवार्ता भएको छ ।

चीनको शान्सी प्रान्तको सियान नगरपालिकाको कार्यालयमा भएको भेटवार्तामा द्विपक्षी हित र आपसी चासोका विषयमा कुराकानी भएको थियो ।

चिनियाँ कम्युनिष्ट पार्टीका सियान व्यूरोका उपप्रमुखसमेत रहेका मेयर मिनयुङले सियान, धुलिखेल नगरपालिका र नेपालका अन्य नगरपालिकाबीच सम्बन्ध राख्न आफुहरु तयार रहेको बताए ।

‘नेपाल र चीनबीच लामो समयदेखि रहेको सम्बन्धलाई अझ प्रगाढ बनाउन सियान चाहन्छ’ मेयर मिनयुङले भने त्यसका लागि सियान हरेक खालको सहयोग गर्न तयार छ ।’

उनले अन्तर्राष्ट्रिय जगतमा सियानको उपस्थितिकालागि सहयोग गर्न मेयर ब्यान्जुलाई आग्रह गरे । मेयर मिनयुङले सियान सिल्क रोडको उद्गमस्थल भएको र यसले पुरै एसिया प्यासिफिक क्षेत्रमा सकारात्मक प्रभाव पार्ने भएकाले यस क्षेत्रका नगरपालिका र स्थानीय निकायसंगको सम्वन्धमा भूमिका खेल्न मेयर ब्यान्जुसंग आग्रह गरे ।

धुलिखेका मेयर ब्यान्जु नगरपालिका संघ नेपालका अध्यक्ष एवं यूसिएलजी एसिया प्यासिफिक (अन्तर्राष्ट्रिय नगरपालिकाहरुको )संघका निर्वाचित उपाध्यक्षसमेत हुन् ।

छलफलका क्रममा मेयर ब्यान्जुले सियानसंग हातेमालो गर्न धुलिखेल नगरपालिका र अन्तर्राष्ट्रिय नगरपालिका संघ तयार रहेको बताए । ‘धुलिखेल नगरपालिका सियान र चीनका अन्य नगरपालिकासंगको सम्बन्धलाई अझ उचाइमा पुर्याउन तयार छ’ मेयर ब्यान्जुले भने, ‘सियानले छोटो समयमा गरेको विकास र समृद्धिबाट नेपाल र विश्वका अन्य नगरपालिकाले पाठ सिक्नका लागि पनि सम्बन्धलाई थप प्रगाढ र विस्तार गर्न जरुरी छ ।’

मेयर ब्यान्जुले शताब्दीऔं देखि नेपाल र चीनबीच राम्रो सम्बन्ध रहेको उल्लेख गर्दै कुटनीतिक र जनता जनताबीचको सम्वन्धलाई थप प्रगाढ वनाउदै अगाडि बढ्न आवश्यक रहेको बताए ।

मेयर मियुङले सियानमा रहेका विभिन्न विश्विद्यालयमार्फत धुलिखेल नगरपालिकाका विद्यार्थीलाई छात्रवृत्तिको व्यवस्था गर्न तयार रहेको बताए । धुलिखेलका मेयर ब्यान्जुले धुलिखेलमा रहेका काठमाडौं विश्वविद्यालय र धुलिखेल अस्पतालसंग सियानका विश्वविद्यालय र अस्पतालबीच सम्बन्ध स्थापना गर्दै अघि बढ्नु पर्ने बताए ।

धुलिखेलले पर्यटनको क्षेत्रमा काम गरिरहेको भन्दै मेयर ब्यान्जुले त्यसका लागि सियानले आफ्ना नागरिकलाई धुलिखेल र नेपाल भ्रमणमा पठाउन अभिप्रेरित गर्नुपर्ने बताए ।

मेयर ब्यान्जुले सियानका मेयरलाई नेपाल र विशेषगरि धुलिखेल भ्रमणको निम्तो गरे । जवाफमा मेयर मिनयुङले उपयुक्त समयमा धुलिखेलको भ्रमण गर्ने बताए ।

Comments

comments

सम्बन्धित शीर्षकहरु