श्रीमान विदेश पठाउने एजेन्टले नै भत्काइदिए घर

SHARE
  •  
  •  
  •  
  •  
  •  
  •  
  •  

मोदकुमार साह
महोत्तरी । इस्लाम धर्मावलम्बीहरु इद पर्व मनाइरहँदा महोत्तरीकी जहिरा खातुन भने खुला आकाशमुनि रात बिताइरहेकी छिन् । खातुनको घर साहुले भत्काइदिएपछि खुला आकाशमुनी बस्नुपरेको हो ।

जिल्लाको भंगहा नगरपालिका वडा नम्बर १ बस्ने जहिरा खातुनकाे घर साहुले जबरजस्ती भत्काइदिएपछि आफू घरबार विहीन भएको बताइन् । ईद पर्वमा समेत जहिराका छोराछोरी भोक भोकै बस्नुपरेको छ । जहिराका श्रीमान सनिव शेखलाई विदेश पठाएका एजेन्ट बद्री ठाकुरले डोजर लगाएर घर भत्काएका हुन् ।

भंगहा नगरपालिका कविलासा वडा नम्बर १ का वडाध्यक्ष नवलकिशोर कापरले एजेन्ट बद्री ठाकुरले अदालतको पत्र लिएर आएको बताए । आफूले पत्र बुझ्दै केही दिन कुर्न समेत आग्रह गरेपनि बद्रीले नमानेको वडाध्यक्ष कापरको भनाइ छ ।

यता एजेन्ट ठाकुरले शेखको घर आफूले नभई अदालतले तोड्न लगाएको बताएका छन् । शेखले विदेश जानका लागि ८ वर्ष अगाडी २ लाख ५० हजार आफुसँग लिएको ठाकुरले दाबी गरेका छन् ।

यस सम्बन्धमा भंगहा नगरपालिकाका प्रमुख संजिवकुमार साहले अदालतको आदेशलाई अवमूल्यन गर्न नसक्ने बताउँदै पीडितको पुन:स्थापनाका लागि प्रयास गर्ने प्रतिबद्धता व्यक्त गरे ।

घटनाको बिषयमा बुझ्न खोज्दा जिल्ला प्रहरी कार्यालय महोत्तरीले भने गैरजिम्मेवार जवाफ दिएको छ । अदालतको आदेश भन्दै मानवीय संवेदना गुमाएका बद्री ठाकुरलाई कारबाही हुनुपर्ने स्थानीयको माग छ ।

यो पनि पद्नुहोस:
सामाजिक सञ्जालमा निकै सक्रिय पूर्वयुवराज्ञी हिमानी र छोरी पूर्णिका

काठमाडौं । गणतन्त्रका शासकप्रति जनविश्वास कम भइरहेका बेला पूर्वदरवारीया शक्ति सक्रिय बनेको छ । पूर्वराजपरिवारका सदस्यहरु सार्वजनिक कार्यक्रमदेखि सामाजिक सञ्जालमा निकै सक्रिय बन्न थालेका छन् ।

पछिल्लो समय पूर्वराजपरिवारका तीन सदस्य निकै सक्रिय छन् । पूर्वराजा ज्ञानेन्द्र शाह, पूर्वयुवराज्ञी हिमानी शाह र पारसपुत्री पुर्णिका । राजनीतिक इस्यूमा कुनै पनि प्रतिक्रिया नजनाउने उनीहरु सामाजिक इस्यूमा भने बारम्वार प्रतिक्रिया दिइरहेका छन् ।

पूर्वराजाले धार्मिक भ्रमणका नाममा तराई क्षेत्रमा आफ्नो शक्ति आँकलन गरे । त्यसपछि राजसंस्था फर्किनेमा उनीहरु आशाबादी पनि भए । धार्मिक भ्रमणपछि पूर्वराजाले विदेशतिर मात्र यात्रा गरिरहेका छन् । एक महिनाका लागि उनी थाइल्याण्डको राजधानी बैंकक पुगेका छन् ।

यता पूर्वयुवराज्ञी हिमानी शाह र छोरी पूर्णिका सामाजिक सञ्जालमा निकै सक्रिय देखिएका छन् । आफ्ना मनका कुरादेखि सामाजिक बिषयबस्तुमा उनीहरुले भावना पोखिरहेका छन् । हिमानी शाहले बाढी पीडितदेखि पशुपतिमा जलिरहेका मुर्दासम्मको बयान सामाजिक सञ्जाल फेसबुकबाट गर्न थालेकी छिन् ।

‘जल्नेहरु शान्त छन्, जलाउनेहरु यहाँ रोइरहेका छन्’ केही हप्ता अघि उनले एउटा मार्मिक स्ट्याट्स सामाजिक सञ्जालमा राखेकी थिइन । त्यसपछि उनले प्रेमलाई पनि परिभाषित गरेकी छिन् । ‘हरेक सम्बन्धमा प्रेम, हरेक प्रेम सम्बन्धमा माया हुन्छ भन्ने छैन’ उनले प्रेमका बारेमा आफ्नो धारणा राखेकी छिन् । पछिल्लो समय पति पारस शाहको माया पाउन नसकेकी हिमानीले प्रेमलाई गहिरोरुपमा अर्थयाउन खोजेकी छिन् ।

हिमानीभन्दा छोरी पूर्णिका सामाजिक सञ्जालमा निकै सक्रिय छन् । उनी आमा र बाबुभन्दा हजुरबाका बारेमा धेरै स्ट्याटसहरु राख्ने गर्दछिन् । हिमानी र पूर्णिका फेसबुक, ट्वीटर र इन्स्ट्राग्राममा सक्रिय छन् ।

यो पनि पद्नुहोस:

कोही उपराष्ट्रपति, कोही गृहमन्त्री, निमुखालाई कोर्ट मार्शल !

२८ साउन, काठमाडौं । नेपाली सेनाबाट भागेको करिब १५ वर्षमा शक्ति गुरुङको जीवनले धेरै उतार–चढाव भोग्यो । उनी तत्कालीन माओवादीको नजरबन्दमा बसे । ‘सेक्सन कमाण्डर’ बनेर लडाइँमा होमिए । शान्ति सम्झौतासँगै लडाकू शिविरमा पनि बसे ।

सेना समायोजनका क्रममा फेरि नेपाली सेनामा प्रवेश रोज्ने अवसर पनि आएको थियो । तर, उनले अवकाश नै रोजे । जीवन चलाउन कतार गए ।
पछिल्लो समयमा कलंकीमा ठेलाबाट सुरु भएको मःमः ब्यापार सटरसम्म पुगेको थियो । ठीक यहीबेला उनीमाथि आपत आइलाग्यो ।

गत साउन ७ गते पूर्वसैनिक एवं पूर्वमाओवादी लडाकू शक्ति गुरुङ पक्राउ परे ।

‘मःमः पसलबाट एक्कासी समातेर लान खोज्दा अचम्ममा परेर सोधेकी थिएँ’, शक्तिकी श्रीमती सुजना भन्छिन्, ‘हामी नेपाली सेनाबाट हो, तपाईंलाई सबै कुरा थाहा छ नि भन्दै लिएर हिँडे ।’

सुजनाले आफ्ना पतिदेवको विगत बिर्सिसकेकी थिइन् ।

जब उनी ८ साउनमा भद्रकालीस्थित सैनिक मुख्यालय पुगिन्, तब शक्तिको कसूर सुनेर झसंग भइन् । शक्तिलाई सशस्त्र द्वन्द्वको समयमा सेनाबाट हतियारसहित भागेर माओवादीलाई साथ दिएको आरोपमा गिरफ्तार गरिएको रहेछ ।

‘यत्तिका वर्षमा सबथोक फेरियो । अहिले त्यतिबेलाका कमाण्डरहरु नै सरकारमा छन्’, उनी भावुक हुँदै भन्छिन्, ‘तर मेरा श्रीमानलाई मात्र जेल हालियो ।’

जङ्गी अड्डाका प्रवक्ता विज्ञानदेव पाण्डेका अनुसार द्वन्द्वको समयमा ४५० थान गोलीसहित भागेको आरोपमा कोर्टमार्सलले गुरुङलाई १० वर्ष जेल सजायँ सुनाएको छ ।

तर, सुजना भने शान्ति प्रक्रियामा आएपछि शक्तिले राज्यलाई हतियार बुझाइसकेको दाबी गर्छिन् ।

Comments

comments

सम्बन्धित शीर्षकहरु