प्रदेशमन्त्रीलाई पक्राउ गर्न आदेश

SHARE
  •  
  •  
  •  
  •  
  •  
  •  
  •  

काठमाडौं : कर्णाली प्रदेशका भौतिक पूर्वाधार विकासमन्त्री खडकबहादुर खत्रीलाई पक्राउ गर्न उच्च अदालत पाटनले आदेश दिएको छ ।

सोमबार उच्च अदालतको संयुक्त वाणिज्य इजलासका न्यायाधीशहरु श्रीकान्त पौडेल र टेकप्रसाद ढुंगानाको इजलाशले मन्त्री खत्री र राजुप्रसाद श्रेष्ठलाई पक्राउ गर्न आदेश दिएको हो ।

‘उच्च अदालतबाट उहाँलाई पक्राउ पूर्जी जारी भएको छ,’ उच्च अदालत पाटनका रजिस्ट्रार बाबुराम दाहालले अन्नपूर्ण अनलाइनसँग भने । मन्त्री खत्रीसहित पाँचजनाले एक करोड १० लाख ८० हजार रकमको किर्ते बैंक ग्यारेन्टीको पत्र जिल्ला प्राविधिक कार्यालय भोजपुरमा पेश गरेको अदालतको ठहर छ ।

यो पनि पढ्नुहोस्
कलैया उपमहानगरपालिकाका २ इन्जिनियरविरुद्ध भ्रष्टाचार मुद्दा दायर
काठमाडौं– अख्तियार दुरुपयोग अनुसन्धान आयोगले बाराको कलैया उपमहानगरपालिकाका २ जना इन्जिनियरविरुद्ध भ्रष्टाचार मुद्दा दायर गरेको छ ।

अख्तियारले इन्जिनियरद्वय किशोर यादव र माधव प्रसाद यादवविरुद्ध विशेष अदालतमा भ्रष्टाचार मुद्दा दायर गरेको हो ।

कलैया उपमहानगरपालिका–२१ भोडहादेखि तपी माध्यमिक विद्यालयदेखि मदिलवासम्मको सडक ढलान गर्ने क्रममा अनियमितता गरेको पुष्टि भएको भन्दै अख्तियारले दुवैजना इन्जिनियरविरुद्ध भ्रष्टाचार मुद्दा गरेको हो ।

उक्त सडकखण्ड ढलान कामका लागि गठन भएको उपभोक्ता समितिले कमसल सामग्री प्रयोग गरेको भन्दै अख्तियारमा उजुरी परेको थियो । उजुरीको छानबिनका क्रममा इन्जिनियर किशोर यादवले उपभोक्ता समितिमार्फत भएको वास्तविक भएको कामभन्दा बढी काम भएको देखाएर नापी किताव तयार देखिएको अख्तियारले जनाएको छ । यस्तै, अर्का इन्जिनियर माधव प्रसाद यादवले उक्त कार्यलाई समर्थन जनाइ सिफारिस गरी अनियमितता गरेको अख्तियारको दाबी छ ।

अख्तियारले दुवैजनाविरुद्ध ५ लाख ७१ हजार २ सय ६९ रुपैयाँ बिगो, ३ वर्षसम्म कैद र ५० हजार जरिवाना मागदाबी गरेको छ ।

Comments

comments

सम्बन्धित शीर्षकहरु