बाजियो रवि लामिछानेको बयान, बाहिर हुँदा यस्तो भनेका रविले अदालतमा यस्तो बयान दिएपछि ……

प्रहरीले शालिकराम प्रकरणमा प्राप्त भिडियो तथा अन्य प्रमाण र पोस्टमार्टम रिपोर्टको प्रारम्भिक विश्लेषण पछि रविसँग बयान लिन शुरु गरेको थियो । रवि जिल्ला सरकारी वकिल कार्यालय चितवनका प्रतिनिधिको रोहबरमा प्रहरीलाई बयान दिन राजी भएका थिए । तर, रविले बयानका क्रममा ‘थुप्रै झूटा’ कुरा उल्लेख गरेको अनुसन्धानमा संलग्न एक अधिकारीले दाबी गरे ।अनुसन्धान अधिकारीका अनुसार रविले यसअघि आफ्नो फेसबूकमा लेखिएका स्टाटसका सम्बन्धमा समेत झूट बोलेका छन् ।

बयानका क्रममा रविलाई ‘शालिकरामको देहत्बायागरे कसरी थाहा भयो ?’ भनेर सोधिएको थियो । रविले उक्त कुरा सञ्चारमाध्यमबाट थाहा पाएको बताएका छन् । त्यसपछि शालिकरामले ‘देहत्याग’पूर्व मोबाइलमा रेकर्ड गरेको भिडियोबारे पनि बयानमा प्रश्न सोधियो । तर, रविले भने आफूले उक्त भिडियोबारे आफूलाई कुनै जानकारी नभएको बयान दिएका छन् । साथै, पुडासैनीले उनीमाथि लगाएका आरोपका बारेमा समेत प्रहरीले बयानका क्रममा प्रश्न सोधेको थियो । तर, रविले पुडासैनीले लगाएका आरोपबारे आफूलाई केही थाहा नभएको बताए ।

पुडासैनीले भिडियोमा बोलेको कुरा उल्लेख गर्दै प्रहरीले रविसँग बयानका क्रममा प्रश्न सोधेको थियो । जवाफमा रविले ती सबै कुरा गलत र निराधार भएको बताएका छन् । तर, खबरहबको सम्पर्कमा आएका अनुसन्धान अधिकारी भने बयानका क्रममा रविले आफ्नै फेसबूक स्टाटसलाई गलत प्रमाणित गर्ने गरी झूट बोलेको बताउँछन् ।

अनुसन्धान अधिकारीका अनुसार पत्रकार शालिकराम पुडासैनीले देहत्याग गर्नुअघि रेडर्क गरिएको भिडियो सार्वजनिक भएपछि फेसबूकमा एउटा सन्देश (स्टाटस) लेखेका छन् । जसमा उनले भनेका छन्– सारा आरोप सुन्दा लाग्यो शालिकरामलाई ठूलो भ्रम परेको रहेछ ।

रविले उक्त फेसबूक स्टाटसमा लेखेका छन्, ‘आरोप लगाउने म रेर गएपनि आरोप खेप्ने म जिउँदै छु । म र्नेले लगाएको एउटा मात्रै आरोप प्रमाणित होस्, र हदेसम्मको सजाय होस् । थप जानकारी केही समयमा गराउने छु । सारा आरोप सुन्दा लाग्यो शालिकरामलाई ठूलो भ्रम परेछ ।’ पत्रकार पुडासैनीले ‘देहत्याग’ अगाडि रेकर्ड गराएको भनिएको भिडियो सार्वजनिक भएको दिन (साउन २९ गते बुधबार) अपराह्न ४ः४९ बजेतिर रविले उक्त स्टाटस फेसबूकमा अपलोड गरेका छन् ।

अनुसन्धान अधिकारी यही विषयमा प्रश्न गर्दै भन्छन्, ‘यदि उनलाई भिडियोका विषयमा कुनै जानकारी थिएन । प्रहरीले सुनाउनुभन्दा अगाडि पुडासैनीले लगाएका आरोपबारे पनि केही थाहा थिएन भने त्यो दिन फेसबूकमा कुन आधारमा स्टाटस लेखे ? यो त सरासर झूट बोल्ने काम भएन र ?’ यद्यपि, अहिलेसम्म प्राप्त प्रमाणहरुको थप विश्लेषण गर्दै अनुसन्धान कार्य जारी रहेको ती अनुसन्धान अधिकारीको भनाइ छ । न्यूज २४ को ल्याण्डलाइनबाट रुकुलाई पटक पटक फोन अनुसन्धानका क्रममा प्रहरीले रवि लामिछाने, युवराज कँडेल र अस्मिता भनिने रुकु कार्कीको कल डिटेल निकालेर पनि अनुसन्धान गरेको छ ।

रुकु भनिने अस्मिता कार्कीको कल डिटेल हेर्दा रविले सञ्चालन गर्ने ‘सिधा कुरा जनतासँग’ कार्यक्रमको प्रसारण संस्था न्यूज २४ टेलिभिजनको ल्याण्डलाइन नम्बरबाट उनलाई पटक पटक फोन गएको देखिएको चितवन प्रहरी स्रोतको भनाइ छ । यस्तो फोनमा अधिकत्तम ५ देखि ६ मिनेटसम्म कुराकानी भएको देखिएको खबरहबको सम्पर्कमा आएका अनुसन्धान अधिकारीले जानकारी दिए ।

(यो समाचार हामीले खबरहब बाट साभार गरेका हौ)

Comments

comments

14 Shares
सम्बन्धित शीर्षकहरु