गलत आरोपले इज्जतमा दाग लाग्यो भन्दै रोईन् प्रियंका, गल्ती नभएको भन्दै देखाईन् यस्तो प्रमाण (भिडियो हेर्नुहोस्)

प्रियंका कार्की र गायक प्रकाश कटुवाल बीच अहिले फेसबुकमा विवाद आइरहेको छ जसले गर्दा प्रियंका कार्की माथि धेरै नकारात्मक प्रतिक्रियाहरु आइरहेका छन् । लोक दोहोरि गायक प्रकास कटुवालले हिजो बिहान फेसबुकमा प्रियंकाले आफु माथि गरेको दुर्व्यवहार बारे प्रष्टाउदै स्ट्याटस लेखेका थिए जुन भाइरल बन्न पुगेको थियो । प्रकाश कटुवालका अनुसार प्रियंका कार्कीले अस्ट्रेलियाबाट फर्किदा आफ्नो सामान बोकाउन लाउदै गरेको व्यवहारले आफ्नो अपमान भएको भन्दै स्ट्याटस लेखिन भने प्रकाशले धन्यवाद नभनेको र काम मात्र अराएको भन्दै आक्रोश पोखेका थिए ।

काशले लेखेको स्ट्याटस भाईरल भएपछि प्रियंकाले प्रकाशलाई फोन गरेर धन्यवाद र माफी मागेकी थीइन र यो कुरा उल्लेख गर्दै प्रकाशले उक्त स्ट्याटस हटाएका थिए । यसपछि पनि प्रियंका कार्कीको व्यवहार प्रति धेरैले नकारात्मक प्रतिक्रिया दिएपछि प्रियंका कार्कीले क्यानाडा नेपालका लागि मदन रिजाल संगको कुराकानीमा खास घटनाको बारेमा प्रष्ट संग भनेकी छिन र प्रकास कटुवालले भने अनुसार आफुले दुर्व्यवहार नगरेको कुरा उल्लेख गरेकी छिन । प्रियंका संगै रहेका आयुष्मानले पनि खास के भएको थियो घटना र किन प्रकाश जी रिसाउनु भएको भन्ने कुरा उल्लेख गरेका छन् ।

प्रियंका कार्की र आयुष्मान पनि अस्ट्रेलियाबाट कार्यक्रम सकेर फर्किएका थिए भने प्रकाश कटुवाल पनि कार्यक्रम सकेर नेपाल फर्किएका थिए र फर्किने क्रममा एयरपोर्टमा दुईको भेट भएको थियो । यहि क्रममा दुइ बीच भएको असमझदारीले गर्दा अहिले विवाद आइरहेको छ ।

यो पनि पद्नुहोस :

सत्र वर्ष पछि विदेशबाट आफ्नै देशमा केहि गर्न सोचमा फर्केर सामूहिक तरकारी खेती
सत्र वर्ष साउदी अरबमा कृषि क्षेत्रमा काम गरेर स्वदेश फकर्नुभएका बागलुङ जिल्लाको गलकोट नगरपालिका–११ गिरौदीका जीतबहादुर रानामगर विदेश बसाइँबाट सन्तुष्ट हुनुभएन । त्यहाँ बस्दा कृषिको अनुभव सङ्गाल्नुभएका उहाँ विगत आठ वर्षदेखि वृहतरूपमा तरकारी खेती गर्दै आउनुभएको छ ।
अहिले गलकोट तथा वडिगाड क्षेत्रको सफल तरकारी किसानको रुपमा परिचय बनाउनु भएका कृषक रानामगरलाई साउदी बसेरै स्वदेश फर्कनुभएका सोही स्थानका रामप्रसाद पुन र अर्का शेरबहादुर श्रीसले साथ दिनुभयो । ती तीनै जनाले सामूहिकरूपमा मिलिजुली कृषि फार्म खोलेर तरकारी खेती शुरु गर्नुभएको हो ।

वार्षिक रु ४५ हजार तिर्ने गरी १८ रोपनी जग्गा भाडामा लिएर गरिएको तरकारी खेतीबाट अहिले मनग्य आम्दानी हुन थालेको छ । “तरकारी बेचेर कमाएको शुरुको आम्दानीले लगानी थप्नै ठिक्क भयो”, कृषक रानामगरले भन्नुभयो, “खेती गर्न थालेको आठ वर्षपछि बल्ल बचत गर्न थालेका छौँ ।” गिरौदै खोलामा १२ रोपनी र बडिगाड गाउँपालिका–२ खर्वाङमा छ रोपनी जग्गा भाडामा लिएर अहिले हाइटेक प्रविधिको १२ टनेलमा टमाटर, सिमी, घिरौँलो, काँक्रो, सागलगायत अन्य बेमौसमी तरकारी फलाइएका छन् । हालसम्म तरकारी खेतीमा रु ४० लाख लगानी भइसकेको उहाँले बताउनुभयो ।

परम्परागत प्रविधिभन्दा हाइटेक प्रविधिमा दोब्बरले नाफा गर्न सकिने कृषक रानामगरको अनुभव छ । हाइटेक प्रविधिको टनेल निकै खर्चिलो भए पनि दिर्घकालीनरूपमा आम्दानी गर्न निकै सहज भएको अर्का कृषक रामप्रसाद पुनले बताउनुभयो । हालसम्म झण्डै रु ४० लाख लगानी गरिसक्नुभएका उहाँहरूले अबको आम्दानी पूरै बचत हुने जानकारी दिनुभयो । रानामगरले भने तरकारीमा आवश्यक मलका लागि कुखुरा, बाख्रा तथा बङ्गुरसमेत पाल्दै आउनुभएको छ ।

अहिले सामूहिकरूपमा गरिएको तरकारी खेतीबाट वार्षिकरूपमा रु २० लाख आम्दानी गर्ने गरेको अर्का सहकर्मी श्रीसले बताउनुभयो । “हामीले दुई जनालाई रोजगारीसमेत प्रदान गरेका छौँ, आवश्यकताअनुसार अन्य कामदारसमेत ज्यालादारीमा लिन्छौँ”, उहाँले भन्नुभयो, “सबै खर्च कटाउँदा रु १५ लाख बचत हुन्छ, त्यो तीन जनालाई बाँड्छौँ ।” गिरौदीको तरकारी खेतीमा सोझै सिँचाइ कुलोको पानी थोपा सिँचाइमार्फत प्रयोग गरिँदै आएको र खर्वाङको तरकारी खेतीमा पम्पको सहायताले बडिगाड खोलाको पानी ल्याएर प्रयोग गरिँदै आएको कृषक श्रीसले जानकारी दिनुभयो । उत्पादन भएको तरकारी गलकोट, खर्वाङ तथा नजिकै रहेको गुल्मीको मुसिकोट नगरपालिकाभित्रै खपत हुँदै आएको छ ।हालसम्म प्याक्ट कार्यक्रममार्फत रु १० लाख र बडिगाड गाउँपालिकाबाट केही रकम अनुदान प्राप्त गरे पनि प्राविधिकरूपमा कसैबाट सहयोग नपाएको कृषक रानामगरले बताउनुभयो ।

Comments

comments

121 Shares
सम्बन्धित शीर्षकहरु