एशियाकै भ्रष्ट भन्ने सडकछापहरु हो प्रचण्डलाई के भन्छौ भन्दै हिसिला यमी जंगीइन ( भिडियो हेर्नुहोस् )

माधव नेपाल झुट बोल्ने नेता हुन्, केपी ओलीले औषधिको नशामा जनतालाई सपना बाँडेः हिसिला यमी (भिडियो अन्तरवार्ता) काठमाडौं– संघीय समाजवादी पार्टीकी केन्द्रीय उपाध्यक्ष हिसिला यमीले सत्तारुढ नेकपाका अध्यक्ष पुष्पकमल दाहाल लगायतका नेता कार्यकर्तालाई समाजवादी पार्टी नेपालमा प्रवेश गर्न आग्रह गरेकी छिन् ।

सुत्र टिभिसँगको अन्तरवार्तामा नेतृ हिसिला यमीले उक्त कुरा बताएकी हुन् । उनले ओली–प्रचण्ड नेतृत्वको नेकपा कम्युनिष्ट नभएर कमाउनिष्ट भएको आरोप लगाएकी छिन् । नेतृ यमीले तत्कालिन नेकपा माओवादी पार्टीलाई अध्यक्ष प्रचण्डले विभिन्न खाले माफियाहरुको चंगुलमा पार्ने प्रयास गरेकाले बाबुराम लगायत आफूहरुले माओवादी बाध्य भएर छोड्नुपरेको दुखेसो समेत गरिन् ।

उनले नेपाली जनताले बाबुराम जस्तो नेता सत्ताको बागडोरमा पुग्न नपाएकोमा चिन्ता गरेको दावी समेत गरिन् । उनले आज बाबुरामको अभावले मूलुकले निकै दुदर्सा भोग्नुपरेको बताईन् । समाजवादी पार्टीका अध्यक्ष बाबुराम भट्टराईकी श्रीमती समेत रहेकी हिसिलाले आफूलाई एशियाकै भ्रष्ट भन्नेहरुलाई चुनौती दिदैँ प्रचण्डका परिवारका सदस्यहरुले लिएको लाभको पद के हो भनेर प्रश्न समेत गरिन् ।

उनले वर्तमान सरकारले जनताको पक्षमा काम गर्न नसकेको भन्दै आफूहरुले सरकारलाई सरकारबाट बाहिरिने अल्टिमेटम दिईसकेको समेत प्रष्ट पारिन् । उनले वर्तमान प्रधानमन्त्री केपी शर्मा ओलीले औषधिको सेवनकै कारण जनतालाई पूरा नहुने सपना बाँडेको आरोप समेत लगाईन् । उनले नेकपाका नेता माधव नेपाललाई झुट बोल्ने नेताको संज्ञा समेत दिएकी छिन् ।

यो पनि :

यो पनि पद्नुहोस:

सरकारले प्रतिबन्ध लगाएको ‘विप्लव’ का छोरा प्रकाश चन्दलाई प्रहरीले चितवनमा पक्राउ गर्यो,
नेत्रविक्रम चन्द ‘विप्लव’ का छोरा प्रकाश चन्दलाई प्रहरीले पक्राउ गरेको छ। सरकारले प्रतिबन्ध लगाएको नेपाल कम्युनिस्ट पार्टीका महासचिव विप्लवका छोरा प्रकाशलाई प्रहरीले चितवनमा पक्राउ गरेको हो। उनलाई चितवन मेडिकल कलेजबाट पक्राउ गरिएको जिल्ला प्रहरी कार्यालय चितवनले जनाएको छ। चितवन मेडिकल कलेजका विद्यार्थी केही दिनदेखि विभिन्न माग राखी आन्दोलनमा छन्। जसकाे अगुवाइ प्रकाश चन्दले गरिरहेका थिए।

पक्राउ पर्नेमा चन्दसहित करिब १५ जना विद्यार्थी रहेका छन् । चितवन मेडिकल कलेजले तोकिएको भन्दा बढी शुल्क लिएको विरोधमा कलेजमा अध्ययनरत विद्यार्थीले दिनहुँ आन्दोलन गरिरहेका छन् । आन्दोलनरत विद्यार्थी र प्रहरीविच झडप हुँदा बुधबार बिहान प्रहरीले विद्यार्थीलाई नियन्त्रणमा लिएको हो ।

कलेजको गेट अगाडी प्रदर्शन गरिरहेका विद्यार्थी कलेजभित्र छिर्न खोजेपछि झडप हो । अस्पतालभित्रै प्रवेश गरी सेवा गर्न र तोडफोड गर्न खोजेपछि पक्राउ गरिएको उनी बताउँछन् । कलेजमा अध्ययनरत प्रकाशले आन्दोलनको अगुवाइ गर्दै आएका छन् ।

यसअघि भदौँ ५ गते रिपोर्टर्स क्लब नेपालमा पत्रकार सम्मेलन गरी चिकित्सा शिक्षा संघर्ष समिति बनाएर चन्दले आन्दोलन गर्ने चेतावनी दिएका थिए।

पछिल्लो समय मेडिकल क्षेत्रमा देखिएका तमाम समस्याका बारेमा आफूहरुले आन्दोलन गर्ने चिकित्सा शिक्षा संघर्ष समितिलका अध्यक्षसमेत रहेका चन्दले पत्रकार सम्मेलनमा बताए थिए।

नेपालको संविधानले शिक्षा र स्वास्थ्यको बिषयलाई नागरिकको मौलिक हकका रूपमा किटान गरिसकेको अवस्थामा शिक्षा र स्वास्थ्य दुवै क्षेत्रलाई अहिले दलाल, माफिया र भ्रष्टहरुले निजीकरण गर्दै लुट मच्चाएर व्यापारको साधनका रूपमा प्रयोग गरिरहेको चन्दको आरोप छ। संविधानले ग्यारेन्टी गरेको आम नागरिकको मौलिक अधिकारीमाथि माफीया र दलालहरुले दास मानसिकताको व्यवहारमा गरिरहेका र त्यो निन्दनीय भएको उनको भनाइ छ।

Comments

comments

189 Shares
सम्बन्धित शीर्षकहरु